ඒබරං ගෙ පවුලට ලමයෙක් ලැබෙන්න ලංවෙලා . බවලත් උදවිය බඩදරු අම්මට සාත්තු සප්පායම් කරන අතරෙ ඒබරං ලොකු පොල්කොල මිටියක් එහෙම බැඳගෙන සූදානම් වෙනවලු. කිරිසප්පය අඬනව ඇහෙනකොටම පොල්කොල හුල පත්තුකරල ලොකු කොලුව අතට දීලා ඒබරං ,කොලුවගෙ හෙවනැල්ල පියවර වලින් මනින්න පටන්ගත්තලු. කිතුල් ගහ මුලට මැනගෙන ගියාම කඳ දිගේ ඉහලටත් හෙවනැල්ල වැටිල තියනවලු...හැර බැඳල තිබුනු ගහේ කඳ දිගේ මැනගෙන අමාරුවෙන් ගහ උඩට ගියාම මෙන්න බොලේ කිතුල් අත්තක් දිගෙ හෙවනැල්ල වැටිල තියනව දැක්කලු.කොහොම හරි හෙවනැල්ල ඉවරෙට මනින්නත් එපායැ..කිතුල් අත්ත දිගේ ටික දුරක් පියවර මැනගෙන යද්දි ඇදගෙන වැටුනලු ගහපල්ලට. ඕං තිඹිරිගේ ඉලව්ගෙයක් වෙච්ච හැටි....ඔරලෝසු නැතිකාලෙ දවල්ට ඉර එළියෙන් වැටෙන හෙවනැල්ල පියවර වලින් මැනල වෙලාව බලන්න මිනිස්සු දැනගෙන හිටියලු. ඒබරං රෑකාලෙ ලමය උපන් වෙලාව බලන්න ගියහැටි තමයි ඔය කිව්වෙ..
.ඔරලෝසු නැති කාලෙ වෙලාව බලන්න යොදාගත් ක්රම මොනවද...
No comments:
Post a Comment